No Antoy Ibaga Nipaakar ed Saray Magasin

The Watchtower Marso 1

Basaen so Exodo 20:15. Insan ibaga: “Anggaman tutuloken na karaklan iyan ganggan, walaray mangibabaga balet a sarag mo lay mantakew tan mansaol no naiirapan ka lan maong. Antoy nibaga yo ed saya? [Abuloyan ya onebat.] Ipapaliwawa na sayan artikulo iray bendisyon ed pagmaliw a lawas matua.” Ipanengneng so artikulo ya onggapo ed pahina 12.

Awake! Marso

“Rerespetoen na dakel so Biblia balet ta iisipen dan karaklan a karga na satan et ngalngali anggapo lay kakanaan to ed modernon panaon. Sikayo ey, antoy nibaga yo? [Abuloyan ya onebat. Insan basaen so Roma 15:4.] Ipapaliwawa na sayan artikulo no akin a siansia nin importanti iray daan lan kabiangan na Biblia.” Ipanengneng so artikulo ya onggapo ed pahina 28.

Say Panag-bantayan Abril-Hunyo

“Sano itepet no siopa so sankaimpluensyaan a too, say maslak ya ebat et si Jesus. Kasin sikato met so pilien yo? [Abuloyan ya onebat.] Konsideraen tayo pa no akin a kaukolan tayon aralen so katuaan nipaakar ed sikato anggaman nandurumaan so opinyon na totoo. [Basaen so Juan 17:3.] Ipapanengneng na sayan espisyal ya isyu na Say Panag-Bantayan no anton talaga so ibabaga na Biblia nipaakar ed si Jesus tan saray bangat to.”

Awake! Abril

“Singa anggapoy magenap a panaon tayo pian sumpalen so amin a labay tayon gawaen. Kasin onabobon kayo? [Abuloyan ya onebat.] Akabatan na dakel a makatulong iyan simbawa. [Basaen so Filipos 1:10.] Sayan magasin so mangiiter na praktikal iran suhestion no panon tayon nausar so panaon tayo ed makabat a paraan.”