No Anto so Ibaga Nipaakar ed Saray Magasin

The Watchtower Marso 1

“Talagan mairap a gawaey duga sano dedesdesen tayo na arum a manggaway mauges. Diad padesir yo, antoy makatulong ed sikatayo pian agnadaeg na sarayan pananesdes? [Abuloyan ya onebat. Insan basaen so Uliran 29:25.] Nabasa yo’d sayan artikulo so limaran rason no akin a takotay Dios imbes a saray totoo.” Ipanengneng so artikulon onggapo ed pahina 12.

Awake! Marso

“Amin tayo et maliket ta walaray maong a kakaaro tayo. Antoran kualidad so labalabay yo’d sakey a kaaro? [Abuloyan ya onebat.] Imanoen yo pa iyan deskripsion na Biblia. [Basaen so Uliran 17:17.] Diad sayan magasin, walaray suhestion a makatulong pian napili tayo ray maabig a kakaaro tan no panon itayon magmaliw a maong a kaaro.” Ipanengneng so artikulon onggapo ed pahina 18.

Say Panag-bantayan Abril-Hunyo

“Labay ko komon a naamtaan no antoy nikuan yo’d sayan imbaga nen Jesus. [Basaen so Juan 3:3.] Antoy pakatalos yo ed kianak lamet, odino born again? [Abuloyan ya onebat.] Naapektaan so bilay tayo tan say iilaloan tayo’d arapen no sustoy pakatalos tayo’d saray inkuan nen Jesus. Ipapaliwawa na sayan magasin no akin.”

Awake! Abril

“Dakel a maneeskuelan ugugaw natan so makakaliknay stress odino tensyon. Diad padesir yo kasi, anguman laray situasyon no ikompara’d agew na saray atateng da? [Abuloyan ya onebat.] Say alabas a tensyon et walaay mauges iran epekto. [Basaen so Ecclesiastes 7:7a.] Ipapaliwawa na sayan magasin no panon a makatulong iray adulto pian nadaeg itan na saray ugugaw.”