No Anto so Ibaga Nipaakar ed Saray Magasin

The Watchtower Hunyo 1

“Ibabaga na dakel a totoo a saray relihyon ed mundo et aliling toy nanduruman dalan balet ompugta lanlamang ed saksakey a Dios. Antoy opinyon yo ed satan ey? [Abuloyan ya onebat.] Imanoen pa no antoy ibabaga na Biblia. [Basaen so Josue 24:15.] Ipapaliwawa ed sayan artikulo no akin a nepeg tayon usisaen a mismo no kasin say relihyon tayo et itotonton to itayo ed tuan Dios.” Ipanengneng so artikulo ya onggapo ed pahina 12.

Awake! Hunyo

“Amin tayo et walay kabat tayon inatey la. Kasin nepeg tayoran takotan ompan onsanok ira tan sakitan da itayo? [Abuloyan ya onebat. Insan basaen so Eclesiastes 9:5, 6.] Seguradon nagustoan yo iyan artikulo.” Ipanengneng so artikulo ya onggapo ed pahina 22.

Say Panag-bantayan Hulyo-Setyembre

“Dakel so totoon walay Biblia da balet nanairapan iran talosan itan. Sikayo ey? [Abuloyan ya onebat.] Unong ed sayan teksto, samay nanlapuan na Biblia et labay ton natalosan tan nagunggonaan itayo ed nisulat a Salita to. [Basaen so Salmo 119:130.] Walay taloran suhestion na sayan magasin ya ontulong ed sikatayon natalosan so Biblia.”

Awake! Hulyo

“Dakel so nadedepres natan. Diad padesir yo, iyaansakit kasi na Dios iray nadedepres? [Abuloyan ya onebat. Insan basaen so Salmo 34:18.] Ipapaliwawa na sayan magasin no panon a natulongan na Dios iramay nadedepres, anggano kaukolan iran manpadoktor. Mangiiter met itan na saray suhestion no panon tayo iran ligliwaen.”