No Antoy Ibaga Nipaakar ed Saray Magasin

Say Panag-bantayan Hulyo-Setyembre

“Padesir mo, posible kasi nawalaay deen na nonot ed sayan magulon panaon? [Abuloyan ya onebat.] Imanoen pay ibabaga na Biblia ed Filipos 4:6, 7. [Basaen.] Ipapaliwawa na sayan artikulo no panon tayon naliknay deen ya iiter na Dios.” Ipanengneng so artikulon onggapo ed pahina 10.

Awake! Hulyo

“Maslak a too et misalsalamat ed imbangat na atateng da’d sikara. Parad sika, kasin agpanangipatnag na respeto no aralen tayo no tua kasi iray doktrinay relihyon ya impabangon ed sikatayo? [Abuloyan ya onebat. Insan basaen so 1 Juan 4:1.] Ipapaliwawa na sayan artikulo no makapuy kasi so pansalat na relihyon.” Ipanengneng so artikulon onggapo ed pahina 28.

The Watchtower Agosto 1

“Walaray mangibabagan amin a relihyon et singa labat nanduruman dalan a saksakey lanlamang a Dios so pugtaan to. Padesir mo, maabig kasi amin a relihyon? [Abuloyan ya onebat. Insan basaen so Mateo 7:13, 14.] Nabasa ed sayan magasin so taloran bengatla ya ibabagay Biblia a nepeg a gawaen na dugan relihyon.”

Awake! Agosto

“Amin tayo et akasali lay aliwliwan panagtrato lapud diskrimasyon. Antoy padesir mon liknaan na Dios ed saya? [Abuloyan ya onebat. Insan basaen so Gawa 10:34, 35.] Natulongan itayo na Biblia a makapananos no abiktimay diskrimasyon. Ontulong met iya pian naekal so antokaman a panaglabin nipapatnag tayo. Nabasa yo iraya ed sayan magasin.”