Repaso ed Teokratikon Eskuelaan Parad Ministeryo

Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Pebrero 28, 2011. Ikondukta na manangasikaso na eskuelaan so 20-minuto a repaso a nibase ed materyal ya akobrian diad saray asainmin parad simba na Enero 3 ya anggad Pebrero 28, 2011.

1. Anton kimey so inggapo nen Hezekias diad gapo na uley to, tan panon a sikatoy naalig tayo? (2 Awa. 29:16-18) [w09 6/15 p. 9 par. 13]

2. Panon ya impabitar na 2 Awaran 36:21 so kasumpalan na propesiyan akarekord ed Jeremias 25:8-11? [w06 11/15 p. 32 par. 1-4]

3. Panon a papaneknekan na Esdras 3:1-6 so Makasulatan ya ebidensya a say 70 taon ya impankibalatar na Jerusalem et asumpal ed dugan panaon? [w06 1/15 p. 19 par. 2]

4. Akin et abigla si Esdras sanen akabatan toy pangaasawa odino piaasawa na saray kabaleyan to ed saray totoo na arum a dalin? (Esdras 9:1-3) [w06 1/15 p. 20 par. 1]

5. Siopa iray “ankabli,” tan anton ugali ra so kaukolan tayon paliisan? (Neh. 3:5) [w06 2/1 p. 10 par. 1;; w86-E 2/15 p. 25]

6. Panon a nagmaliw a maabig ya ehemplo si Gobernador Nehemias ed saray Kristianon manangasikaso? (Neh. 5:14-19) [si-E p. 90 par. 16]

7. Singa saray Israelita ed panaon nen Nehemias, panon tayon napaliisan so pakapaulyan ed “abung na Dios” tayo? (Neh. 10:32-39) [w98 10/15 p. 21-22 par. 12]

8. Diad pandalepdep ed alimbawa nen Nehemias, antoray nayarin nitepet tayo’d inkasikatayo? (Neh. 13:31) [w96 9/15 p. 17 par. 3]

9. Kasin awalaan si Ester na imoral a seksual a relasyon ed si Arin Asuero? (Est. 2:14-17) [w91-E 1/1 p. 31 par. 6]

10. Akin et aglabay nen Mardokeo so ondakmomo ed si Haman? (Est. 3:2, 4) [it-2-E p. 431 par. 7]