Paaligwasen Iray Abilidad Tayod Ministeryo—Usarey Brosyur a Maong a Balita ya Nanlapud Dios! ed Pangigapoy Panangiyaral Diad Puerta
No Akin ya Importante: Pian natulongan iray totoon magmaliw ya disipulo, kaukolan tayo ran bangatan na Salita na Dios. (Mat. 28:19, 20) Sarag tayon amin ya epektibon ibangat so katuaan diad pangusar ed saray tulong ya inter ed sikatayo. Say brosyur ya Maong a Balita ya Nanlapud Dios! et ginawa pian natulongan tayon ibangat so katuaan ed arum. Diad tua, sarag tayon usaren itan pian mangigapoy panangiyaral diad unonan pitongtong tayo, anggan diad puerta labat.
Gawaen Iya Legan na Sayan Bulan:
Ipikasim ya nawalaan kay pilalek ya mangiyaral na Biblia. Ipikasim met ya tulongan ka nen Jehova ya makapangigapoy panangiyaral tan magmaliw kan epektibon managbangat ed katuaan.—Fil. 2:13.
Diad panagdayew na pamilya yo o personal ya panagaral, kabisadoen ya maong so presentasyon. Diad ontan et makpel kan mitongtong tan mangigapoy panangiyaral na Biblia anggan diad puerta.