Saray Pakabat

◼ Opresin literatura parad Oktubre: Saray magasin a Panag-bantayan tan Onliing! Nobyembre tan Disyembre: Anto so Peteg ya Ibabangat na Biblia? odino anggan dinan ed sarayan tract: Antoy Sekreto Pian Maliket so Pamilya?, Siopan Talagay Mangokontrol ed Mundo?, tan Naandi ni Kasi Paniirap? Enero tan Pebrero: Maong a Balita ya Nanlapud Dios! odino anggan dinan ed sarayan 32-pahina ya brosyur: Peteg Kasin Manatalima so Dios ed Sikatayo? odino What Is the Purpose of Life?, tan salien ya igapoy panangiyaral na Biblia.

◼ Singa impakabat ed Hunyo 2015 ya Ministeryo Tayo ed Panarian, no Oktubre 19, 2015, igapon aralen ed Panagaral na Kongregasyon ed Biblia so libron Aligen so Pananisia Ra (ia).

◼ Nayarin i-adjust so eskedyul na aral sakey simba antis na regional a kombension yo pian narepaso iray bilin tan panonot manlapud insert na Agosto 2015 ya isyu na Ministeryo Tayo ed Panarian, pati say sulat parad amin a kongregasyon ya apetsaan na Agosto 3, 2013, nipaakar ed panalwar no onatendid saray espiritual a pantitipon. Sakey odino duaran bulan kayari na kombension, nayarin diad lokal iran pankaukolan et repasoen iray punto ed kombension ya makatulong ed saray manangipalapag diad ministeryo.

◼ Ipangasin awiten diad pankombensionan iray keran imbitasyon pian nausar ed pampulong diad impormal a paraan.