Pangaligan Iran Presentasyon

Say Panag-bantayan Nobyembre-Disyembre

“No wala ray guerra, parehon manisia so duaran panig ya tulongan ira na Dios. Parad sika, kasin aaprobaan na Dios so guerra? [Abuloyan ya onebat.] Ipaliwawa na sayan isyu na Say Panag-bantayan no akin ya migue-guerra so Dios nensaman tan no panon ton panganggaen lan amin so guerra diad arapen.” Basaen so Salmo 46:9 tan iyopresi iray magasin.

Awake! Nobyembre

“Minilyon ya totood interon mundo so napapagaan ed pankunkunwari tan makapairap ya bangat na nanduruman relihyon. Parad sika anto kasi pansumpalan na saray relihyon? [Abuloyan ya onebat.] Idadanet na sayan magasin so importantin propesiya ed libro na Biblia ya Apocalipsis a mangipapasakbay na kibulos ed palson relihyon diad panaon tayo tan say kaderal na satan.”