Akin ya Papablien Mo so Dugan Panagdayew?

Saray nibantak ya Judio et apaseseg ed templo ya anengneng nen Ezequiel diad pasingawey lapud awalaan ira na ilalo ya nipawil so dugan panagdayew. Diad sarayan kaunoran ya agew, say dugan panagdayew et “niletneg a malet ed tagey na saray toktok na kapalandeyan, tan magmaliw itan a mas atagey nen saray pukdol, tan ondagsa ditan so amin a nasyon.” (Isa 2:2) Kasin lanang mon dadalepdepen so pribilehyom ya nakabat tan napanlingkoran si Jehova?

SARAY BENDISYON NA DUGAN PANAGDAYEW:

• 

  Dakel ya espiritual a naakan ya panlalapuan na praktikal iran bilin, ilalo ed arapen, tan ebat ed saray importantin tepet tayo.​—Isa 48:17, 18; 65:13; Rom 15:4

• Say maaron impanaagi ed interon mundo.​—Sal 133:1; Jn 13:35

• Say pribilehyon mikimey ed Dios diad makapaliket ya kimey.​—Gaw 20:35; 1Co 3:9

• “Say kareenan na Dios” ya mamapabiskeg ed sikatayo diad saray irap.​—Fil 4:6, 7

• Malinis a konsiensia.​—2Ti 1:3

• “Maapit a pikakaaro ed si Jehova.”​—Sal 25:14

Diad anto ran paraan ya nipanengneng kon papablien koy dugan panagdayew?