SETYEMBRE 22-28

ECLESIASTES 1-2

Kansion 103 tan Pikakasi | Introduksion (1 min.)

KAYAMANAN ED SALITA NA DIOS

1. Ituloy Yon Ipasal Iray Onsublay ya Henerasyon

(10 min.)

[I-play so VIDEO ya Introduksion ed Eclesiastes.]

Responsabilidad tayo ya ipasal iray mas ugaw ni (Ec 1:4; w17.01 27-28 ¶3-4)

No ipapasal tayoy arum tan iikdan tayo ray gawaen da ed panaglingkor, tutulongan tayo ran nalikna ya makapaliket so impasyan panlingkor parad si Jehova (Ec 2:24)

Ikokondukta na mas ugaw ya elder so Panag-aral na “Panag-bantayan.” Akaimis ed sikato so maedad lan brother ya managbasa na parapo. — Ipasal mo iray mas ugaw nen sika, tan agka natatakot ya ompan onlad sikara so pribilehyon labalabay mo

2. Saray Espiritual a Kayamanan

(10 min.)

Ec 2:11—Antoy naaralan nen Solomon nipaakar ed impasyan pankimey pian naalay dakel ya bengatla? (w18.12 22 ¶14)

Ebat
Anto ran espiritual a kayamanan so labay yon inabang manlapud babasaen ed Biblia ed sayan simba?

Ebat

3. Panagbasa na Biblia

(4 min.) Ec 1:1-18 (th leksion 11)

MAGMALIW YA EPEKTIBO ED MINISTERYO

4. Pangigapo na Tongtongan

(2 min.) IMPORMAL YA PANAGPULONG. Amtaen no anton topic so labay na katongtong mo. Pantongtongan yo no panon kayon makapannengneng lamet. (lmd leksion 3 punto 5)

5. Pangigapo na Tongtongan

(2 min.) PANAGPULONG ED PUBLIKO. Pantongtongan so sakey ed “Saray Katuaan ya Labalabay Tayon Ibangat” ya walad apendise A na brosyur ya Aro Yoy Totoo. Usaren so paraan ya abitla ed unonan parapo. (lmd leksion 2 punto 3)

6. Panagpawil

(2 min.) IMPORMAL YA PANAGPULONG. Ebatan so intepet na toon akatongtong mo nen imbeneg. (lmd leksion 9 punto 5)

7. Panaggaway Disipulo

(5 min.) PANAGPULONG ED PUBLIKO. Idemonstra so panag-aral na Biblia tan pantongtongan no panon yon ituloy itan. (lmd leksion 10 punto 3)

BILAY NA KRISTIANO

Kansion 84

8. Say Taloran Importantin Naaralan Nipaakar ed Panangipasal

(15 min.) Pantongtongan kaiba iray ondedengel.

Saray Litrato: Saray nanduruman situasyon ya ipapasal na saray brother so arum. 1. Ipapasal na sakey ya brother so sakey ya sister no panon ya usaren so de-kuryentin panagputot na tabla diad sakey ya teokratikon proyekto na panagpaalagey. 2. Oobserbaan na mas matatken ya brother so mas ugaw ya brother ya manprapraktis na paliwawa to ed Kingdom Hall ya anggapoy too. Sankabembenan na mas matatken ya brother so brosyur ya “Manseet Ka ed Panagbasa tan Panagbangat.” 3. Ibabangat na brother so sakey ya kabataan ya brother no panon ya salatan so baterya na mikropono. 4. Ontutulong ed panaglinis na Kingdom Hall so sakey ya ama ya kaiba toy duaran ananak ton lalaki. Manva-vacuum ed stage so ama tan say panguloan ya anak to, pupunasan balet na mas melag nin anak to so podium. — Lapud aro et napapakiwas itayon ipasal so arum ya gawaen iray kimey ya ipapagawa nen Jehova ed sikatayon amin

Dakdakel so balibalin alimbawa ed Biblia ya pakaaralan tayo no panon tayon ipasal so arum. Makaaral tayo ed impangipasal nen Samuel ed si Saul, si Elias ed si Eliseo, si Jesus ed saray disipulo to, tan si Pablo ed si Timoteo. Pero siempre say sankarunongan ya mangipasal et si Jehova. Antoy naaralan tayo ed alimbawa to?

I-play so VIDEO ya Aligen so Panangipasal nen Jehova (Jn 5:20)—Video Clip. Insan itepet iya:

Anto ray taloran naaralan tayo ed panangipasal nen Jehova?

Ebat

9. Panag-aral na Kongregasyon ed Biblia

(30 min.) lfb leksion 20-21