OKTUBRE 20-26
ECLESIASTES 9-10
Kansion 30 tan Pikakasi | Introduksion (1 min.)
1. Nepeg ya Dugay Pangipasen Tayo ed Saray Problema Tayo
(10 min.)
No wala ray problema tayo agtayo iisipen ya nagagawa iratan lapud apaermen tayoy Jehova (Ec 9:11; w13 8/15 14 ¶20-21)
Iilaloan tayo la ya wala ray nagagawan aliwan patas ed mauges ya mundo nen Satanas (Ec 10:7; w19.09 5 ¶10)
Anggano ondadalan tayod saray subok, nepeg ya imanoen tan panliketan tayo nin siansia iray maabig ya bengatlan iiter nen Jehova (Ec 9:7, 10; w11 10/15 8 ¶1-2)
2. Saray Espiritual a Kayamanan
(10 min.)
Ec 10:12-14—Antoy ipapasakbay na sayan teksto nipaakar ed panag-tsismis? (lv 137-138 ¶11, 12)
Anto ran espiritual a kayamanan so labay yon inabang manlapud babasaen ed Biblia ed sayan simba?
3. Panagbasa na Biblia
(4 min.) Ec 10:1-20 (th leksion 11)
4. Pangigapo na Tongtongan
(3 min.) PANAGPULONG ED PUBLIKO. Katongtongen so sakey ya toon maermen. (lmd leksion 3 punto 4)
5. Pangigapo na Tongtongan
(4 min.) IMPORMAL YA PANAGPULONG. Usaren so sakey ed “Saray Katuaan ya Labalabay Tayon Ibangat” ya walad apendise A na brosyur ya Aro Yoy Totoo legan kan mitotongtong ed sakey ya toon imbaga ton naaaburido lapud irap na bilay. (lmd leksion 4 punto 4)
6. Panaggaway Disipulo
Kansion 47
7. Tulongan Itayo nen Jehova no Walay Nagawan Trahedya
(15 min.) Pantongtongan kaiba iray ondedengel.
Nandurumay subok o problema ya aarapen tayo ed inagew-agew. Pero wala ray problema ya bigbigla labat ya onsabi tan ansakisakit kanian agtayo amtay gawaen tayo tan ompan isipen tayon agtayo itan nasarag. Siopay ontulong ed sikatayo tan antoy gawaen tayo no walay nagawan trahedya?
Antokaman so probleman aarapen tayo, si Jehova so lanang ya “lapuay inkaligen” tayo. (Isa 33:6) Pian makapantiwala tayod si Jehova, kaukolan tayoy magmaliw ya balanse tan mapaabeba. (Pro 11:2) No walay nagawan trahedya, ompan kaukolan tayoy panaon pian naasikaso tayoy sarili tayo odino kapamilya tayo. Paulyan tayo labat so sarili tayon manermen ya anggad onsabi panaon ya nainawaan tayo la tan makapandesisyon tayo lay duga.—Ec 4:6.
Uusaren nen Jehova iray lingkor to pian pasesegen so sakey tan sakey kanian kaukolan tayo sirin ya awaten so tulong na saray agagi tayo, odino kerewen tayoy tulong da. Tandaan yo ya inar-aro kayo na saray agagi tan malikeliket ira no natutulongan da kayo.
Basaen so 2 Corinto 4:7-9. Insan itepet iya:
Panon ya makatulong so tuloytuloy ya piaral, pampulong, tan pambasay Biblia anggano mairap so dadalanen tayo?
I-play so VIDEO ya Si Jehova et Asingger ed Samay Asugatay Puso To. Insan itepet iraya:
Panon ya tinulongan nen Jehova si Brother tan Sister Septer?
Panon iran tinulongan na saray agagi?
Antoy naaralan mo ed alimbawa di Brother tan Sister Septer?
8. Panag-aral na Kongregasyon ed Biblia
(30 min.) lfb leksion 28, introduksion ed seksion 6, tan leksion 29