OKTUBRE 13-19
ECLESIASTES 7-8
Kansion 39 tan Pikakasi | Introduksion (1 min.)
1. “Onlad Abung na Inateyan”
(10 min.)
Onla kayo ed saray inateyan pian ligliwaen ira (Ec 7:2; w22.01 16 ¶9)
Naligliwa yo ra no istoryaen yo iray nanonotan yon balibalin kualidad na naandid bilay ya kapamilya o kaaro da (Ec 7:1; w19.06 23-24 ¶15)
Ipikasian iray inateyan (w17.07 16 ¶16)
TANDAAN: Kaslakan et kaukolan ni na saray inateyan so suporta na saray agagi ya anggad agni linmabas so paneermen da.—w17.07 16 ¶17-19.
2. Saray Espiritual a Kayamanan
(10 min.)
Ec 7:20-22—Panon ya makatulong iyan teksto pian makapandesisyon tayo no kasin katongtongen tayo o andi imay toon akasakit na liknaan tayo? (w23.03 31 ¶18)
Anto ran espiritual a kayamanan so labay yon inabang manlapud babasaen ed Biblia ed sayan simba?
3. Panagbasa na Biblia
(4 min.) Ec 8:1-13 (th leksion 10)
4. Pangigapo na Tongtongan
(2 min.) PANAGPULONG ED PUBLIKO. Likasen no anton topic so labay na katongtong mo tan pantongtongan yo no panon mon nakontak lamet. (lmd leksion 2 punto 4)
5. Pangigapo na Tongtongan
(2 min.) IMPORMAL YA PANAGPULONG. (lmd leksion 2 punto 3)
6. Panagpawil
(2 min.) DIAD KAABUNGAN. Ipanengneng so website tayo ya jw.org. (lmd leksion 9 punto 4)
7. Ipaliwawa Iray Papanisiaan Mo
(5 min.) Demonstrasyon. ijwfq artikulo 50—Tema: Antoy Gagawaen ed Lamay tan Tulor na Inatey ya Tasi? (th leksion 17)
Kansion 151
8. Pabiskeg Yoy Pananisia Yo ed Kikioli
(15 min.) Pantongtongan kaiba iray ondedengel.
Say insipan nen Jehova ya kioli na saray inatey et sakey ed saray sankaimportantian ya katuaan ya amta tayo. Naaralan tayod satan iray kualidad nen Jehova singa say pakayari, karunongan, tan panangasi to. Tan mas nagkalalo la, say panangaro to ed kada sakey ed sikatayo.—Jn 3:16.
No mabiskeg so pananisia tayo ed kikioli, agtayo masyadon naaburido ed saray problema tayo. (2Co 4:16-18) Mareen met so nonot tayo tan naligliwa itayo anggano napairap tayo, mansakit tayo, odino walay ompatey ya inaro tayod bilay. (1Te 4:13) Agtayo magmaliw ya tuan maliket no anggapoy pananisia tayo ed kikioli. (1Co 15:19) Pabiskeg mo sirin so pananisiam ed sayan balibalin ilalo!
Basaen so Juan 11:21-24. Insan itepet iraya:
Panon ya impanengneng nen Marta ya mabiskeg so pananisia to ed kikioli?
Panon ya abendisyonan si Marta lapud pananisia to?—Jn 11:38-44
I-play so VIDEO ya Aligen Iray Bibiin Mabiskeg so Pananisia Ra!—Marta. Insan itepet iraya:
Akin et importantin maong ed sika so ilalon kikioli?
Antoy gawaen mo pian napansiansiam ya mabiskeg so pananisiam ed kikioli?
9. Panag-aral na Kongregasyon ed Biblia
(30 min.) lfb leksion 26-27