Pabiskeg Moy Tiwalam ed si Jehova

Basaen so Numeros 13:25–14:4 pian naamtaan mo imay sakey ya agawa ya kinmulang so tiwala na saray Israelita ed si Jehova.

Amtaen so konteksto. Nen paarap lad Insipan ya Dalin iray Israelita, akin et dapat labat ya mantiwala ira ya sarasarag iran iliktar nen Jehova? (Sal. 78:​12-16, 43-53) Akin balet et kinmulang so tiwala dad si Jehova? (Deu. 1:​26-28) Si Josue tan Caleb ey, antoy pakanengnengan ya mabiskeg so tiwala dad si Jehova?—Num. 14:​6-9.

Aralen iray detalye. Anto komoy ginawa na saray Israelita pian ombiskeg so tiwala dad si Jehova? (Sal. 9:10; 22:4; 78:11) Antoy koneksion na pantiwala ed si Jehova tan panrespeto ed sikato?—Num. 14:11.

Isip mo no anto ray naaralan mo. Tepetan moy sarilim:

• ‘Anto ray situasyon ya nayarin nasubok met so tiwalak ed Jehova?’

• ‘Antoy gawaen ko pian ombiskeg so tiwalak ed si Jehova natan tan diad arapen?’

• ‘No baleg a kairapan la, antoy seguradon gawaen nen Jehova, tan akin et napantiwalaan ko itan?’—Luc. 21:​25-28.