Thomas Jackson/Stone via Getty Images
MANTULTULOY A MANBANTAY!
Walay Pag-asa ed 2024—Antoy Ibabaga na Biblia?
Iisipen na dakel ya anggapo lay solusyon na saray probleman onsabi no 2024. Pero walay balibalin pag-asa ya nagawad arapen. Pakalmoan tayo ed satan?
Walay pag-asa ya ibabaga na Biblia
Im-promise na Biblia ya solusyonan na Dios iray problema ya mangeekal na pag-asa tayo natan. Asingger la ya ‘punasen [na Dios] so amin a lua ed kamataan [tayo], tan anggapo lay patey, anggapo met lay panermen tan panakis tan panotot.’—Apocalipsis 21:4.
Pian naamtaan mo iray im-promise na Biblia ya nagawad arapen, basaen so artikulon “Makakaasa Ka sa Isang Magandang Kinabukasan.”
No panon kan natulongan na Biblia natan
Walay ibabaga na Biblia ya pag-asan nagawad arapen ya makatulong ed sikan labanan iray negatibon liknaan tan makapansiansia kan positibo. (Roma 15:13) Natulongan ka met na saray praktikal ya bilin na Biblia pian nasarag mo ray probleman aarapen mo natan singa say irap na bilay, sakit, tan aliwan patas ya panagtrato.
Amtaen no panon ya akatulong ed sakey ya laki so pag-asa ya ibabaga na Biblia pian nalikna toy kareenan tan liket anggano mair-irap so bilay to. Bantayan so video ya Juan Pablo Zermeño: Inikdan Ak nen Jehova na Makabaliksan ya Bilay.
Amtaen no panon kan natulongan na Biblia pian nasarag moy pakakakonsiensia, ermen, panaburido, odino aliwliwan liknaan no naandi so inar-arom ed bilay. Basaen so artikulon “Wala ra Kasi Salita ed Biblia ya Makaligliwa ed Siak?”
Nengnengen no panon ya akalmoy pag-asa ed Biblia so sakey ya biin datin sundalo ya deneskribe toy sarili ton “mauges tan anggapoy pibabali to ed arum.” Bantayan so video ya Binitiwan Ko ang Baril Ko.
Gawam ya maliket so taon 2024 parad sika tan ed pamilyam. Amtaen ni no panon kan natulongan na Biblia. Salim so libren panag-aral na Biblia ya walay manbangat ed sika. Naaralan mo no panon kan ikdan na Dios na “kareenan” natan tan “maong ya arapen tan ilalo.”—Jeremias 29:11.