Panon ya Naoorganisa Iray Kongregasyon na Saray Tasi nen Jehova?

Walay tatawagen min ulop na mamatatken a mangaasikaso ed kada kongregasyon. Manga 20 ya kongregasyon so kaibad sakey a sirkito, tan manga 10 ya sirkito so kaibad sakey a distrito. Saray kongregasyon et regular a bibisitaen na tatawagen min ombiabiahen elder, odino mas kabkabat ya manangasikaso na sirkito tan manangasikaso na distrito.

Saray nibase ed Biblia ya panangiwanwan tan instruksion et manlalapud Mananguley ya Ulop. Saray membro na satan et abayag lan Tasi tan mantratrabaho irad sankamundoan ya opisina na Saray Tasi nen Jehova diad Brooklyn, New York.​—Gawa 15:23-29; 1 Timoteo 3:1-7.