Impakaaripen ed Babilonia Anggad Impaalagey Lamet so Padir na Jerusalem

Diad Babilonia, dakel so subok ed pananisia na saray Israelita. Si Sadrac, Mesac, tan Abednego et imbuntok ed mandarlang ya hurno, balet inliktar ira na Dios. Ag-abayag, sanen tinalo na Medo tan Persia so Babilonia, imbuntok si Daniel ed ungib na saray leon, balet inliktar met na Dios diad impamepet ed sangi na saray leon.

Asabi panaon, imbulos na ari na Persia a si Ciro iray Israelita. Akasempet irad dalin da kayarin mismo na 70 a taon ya impakaaripen dad Babilonia. Ginapoan dan tampol ya impaalagey so templo nen Jehova. Balet lapud saray kalaban da, asumpal so templo kayari ni na 22 a taon.

Naaralan tayo met imay inyakar nen Esdras ed Jerusalem pian apigeren so templo. Agawa iya 47 a taon kayarin impaalagey so templo. Insan kalabas na 13 a taon, tinmulong si Nehemias pian ipaalagey so ageray a padir na Jerusalem. Say Parte SINGKO et sakopen toy 152 a taon.