Siopa so Tuan Dios?

Wala labat so sakey a tuan Dios, tan say ngaran to et Jehova. (Salmo 83:18) Sikatoy sakey ya Espiritu kanian agtayo nanengneng. Inaro to itayo tan labay ton sikatoy aroen tayo met. Labay to met ya aroen tayo ray kapara tayon totoo. (Mateo 22:35-40) Sikato so Sankatagyan, say Amalsa ed amin a bengatla.

Say sankaunaan a pinalsa na Dios et sakey a makapanyarin espiritu. Sikatoy tinawag ya Jesu-Kristo. Pinalsa met nen Jehova iray anghel.

Pinalsa nen Jehova so amin ya walad tawen . . . tan wadiad dalin. Apocalipsis 4:11

Pinalsa nen Jehova a Dios iray bitewen, sayan dalin, tan amin a wadia.​—Genesis 1:1.

Pinalsa toy Adan, say inmunan too, manlapud dabok.​—Salmo 103:14.