Impamalsa Anggad Insabi na Delap

Siopay nanggawa ed tawen tan dalin? Akin et walay agew, bulan, bitewen, tan arum ni ran wadiad dalin? Walad Biblia so dugan ebat. Ginawa na Dios iraya. Onggagapoy istorya na Biblia diad impamalsa.

Naamtaan tayo ya say inmunan ginawa na Dios et saray anghel. Sikaray espiritu ya singa sikato. Balet say dalin et parad sikatayo ran totoo. Kanian ginawa na Dios so laki tan bii, si Adan tan Eva, tan inyan to rad balibalin hardin. Pero agda inunor so Dios kanian inatey ira.

Ami-amin, manlapud impanggawa ed si Adan anggad insabi na baleg ya Delap et 1,656 ya taon. Diad saman et dakel iray mauges. Dimad tawen, wadman si Satanas tan saray mauges ya anghel to. Diad dalin, wadiay Cain tan arum nin mauges ya totoo, pati saray mabisbiskeg ya lalaki. Balet wala met iray maong ya totoo—si Abel, Enoc, tan Noe. Diad Parte UNO, nakabat tayo irayan totoo tan say ginawgawa ra.