Watchtower ONLINE YA LIBRARYA
Watchtower
ONLINE YA LIBRARYA
Pangasinan
  • BIBLIA
  • PUBLIKASYON
  • ARAL
  • fg leksion 1 tepet 1-3
  • Anto so Maong a Balita?

Anggapoy available ya video ed pinilim.

Pasensya la, walay error na video.

  • Anto so Maong a Balita?
  • Maong a Balita ya Nanlapud Dios!
  • Miparan Topic
  • Akin et Paibangat Tayo’d Dios?
    Say Panag-bantayan Mangipapalapag na Panarian nen Jehova​—2011
  • Antoy Gagala na Dios Parad Dalin?
    Say Panag-bantayan Mangipapalapag na Panarian nen Jehova​—2011
  • Antoy Labay na Dios ya Nagawa ed Dalin?
    Maong a Balita ya Nanlapud Dios!
  • Ebat ed Saray Tepet ed Biblia
    Say Panag-bantayan Mangipapalapag na Panarian nen Jehova—2015
Mannengneng ni
Maong a Balita ya Nanlapud Dios!
fg leksion 1 tepet 1-3

LEKSION 1

Anto so Maong a Balita?

1. Anto so maong a balita ya nanlapud Dios?

Panliliketan na pamilya so bilay diad dalin

Labay na Dios ya maliket so bilay na totoo diad dalin. Ginawa toy dalin tan amin ya wadia ta inaro to iray totoo. Sikatoy magano lan onkiwas pian ikdan na balibalin bilay iray totoo diad interon mundo. Ekalen toy amin ya lapuan na kairapan.​—Basaen so Jeremias 29:11.

Anggapoy anggan sakey ya gobierno ya akaekal na gulo, sakit, odino patey. Balet walay maong a balita. Magano lan ekalen tan salatan na gobierno na Dios so amin ya gobierno na too. No nagawa la itan, maliket la ray totoo ta mareen la tan agla ran balot mansakit.​—Basaen so Isaias 25:8; 33:24; Daniel 2:44.

2. Akin ya importantin naamtaan a tampol so maong a balita?

Naekal labat so kairapan no ekalen la na Dios so amin ya mauges ya totoo diad dalin. (Sofonias 2:3) Asingger la iyan nagawa. Magano lan onkiwas so Dios, ta nanenengneng tayo la natan iray mauges ya nagagawa ed mundo ya abayag lan imbaga na Biblia. Prueba irayan asingger lan onkiwas so Dios.​—Basaen so 2 Timoteo 3:1-5.

3. Antoy kaukolan tayon gawaen?

Kaukolan tayon kabaten so Dios diad panaral ed Salita to, say Biblia. Singa itan sulat na maaron tatay. Naaralan tayo ed Biblia no panon so magmaliw ya maliket natan. Naaralan tayo met no panon ya nawalaan na bilay ya anggapoy anggaan diad dalin ed arapen. Siempre, wala ray agda labay ya manaral kay Biblia. Balet, nonot moy maliket ya bilay ya impromisa na Dios pian ituloy moy manaral anggano elek-elekan o pigilan da ka.​—Basaen so Proverbio 29:25; Apocalipsis 14:6, 7.

    Publikasyon a Pangasinan (1988-2025)
    Man-Log Out
    Man-Log In
    • Pangasinan
    • Share
    • Setting Mo
    • Copyright © 2025 Watch Tower Bible and Tract Society of Pennsylvania
    • Kondisyon ed Pangusar
    • Totontonen ed Privacy
    • Privacy Settings
    • JW.ORG
    • Man-Log In
    Share