Watchtower ONLINE YA LIBRARYA
Watchtower
ONLINE YA LIBRARYA
Pangasinan
  • BIBLIA
  • PUBLIKASYON
  • ARAL
  • lfb leksion 56 p. 134-p. 135 par. 1
  • Labalabay ya Unoren nen Josias so Ganggan na Dios

Anggapoy available ya video ed pinilim.

Pasensya la, walay error na video.

  • Labalabay ya Unoren nen Josias so Ganggan na Dios
  • Saray Leksion ya Naaralan Mo ed Biblia
  • Miparan Topic
  • Maong Iray Kakaaro nen Josias
    Ibangat Yo Ray Anak Yo
  • Inabobonan nen Jehova so Mapaabeban Josias
    Say Panag-bantayan Mangipapalapag na Panarian nen Jehova—2000
  • Say Sampot a Maong ya Ari ed Israel
    Saray Istorya ed Biblia
  • Ontalona Ka Antokaman so Klase na Impamabaleg ed Sika
    Say Panag-bantayan Mangipapalapag na Panarian nen Jehova—2001
Mannengneng ni
Saray Leksion ya Naaralan Mo ed Biblia
lfb leksion 56 p. 134-p. 135 par. 1
Babasaen nen Safan so lukot legan ya ondedengel si Arin Josias

LEKSION 56

Labalabay ya Unoren nen Josias so Ganggan na Dios

Si Josias et waloy taon to ni labat nen nagmaliw ya ari na Juda. Diad saman, labalabay na totoo so magic tan mandadayew irad saray idolo. Nen 16 lay taon nen Josias, inaral to no panon so dugan pandayew ed si Jehova. Nen 20 lay taon to, dineral to ray idolo tan altar ed interon Juda. Insan nen 26 lay taon nen Josias, nanggaway paraan pian naapiger so templo nen Jehova.

Say atagey ya saserdoten si Hilkias et walay aromog tod templo ya lukot ya akasulatan na Ganggan nen Jehova. Nayarin atan may lukot ya insulat nen Moises. Inawit nen Safan ya sekretaryo na ari imay lukot ed si Josias, tan binasa ton maksil so Ganggan. Legan ya ondedengel si Josias, naisip to ya abaybayag lan ag-uunoren na totoo si Jehova. Kanian imbaga nen Arin Josias ed si Hilkias: ‘Seguradon mamapasnok lan maong si Jehova ed sikatayo. La ka, manpikasi kad si Jehova pian naamtaan tayo no antoy nepeg tayon gawaen.’ Panamegley na propetesa ya si Hulda et oniay ebat nen Jehova: ‘Tinaynan ak na saray totoo ed Juda. Dusaen ko ra, balet agko ’tan gawaen legan ya si Josias so ari, ta nampaabeba.’

Aromog nen Hilkias so lukot ya akasulatan na Ganggan nen Jehova

Nen nadngel itan nen Arin Josias, linmad templo tan tinipon to ray totoo ed Juda. Insan to binasan maksil so Ganggan nen Jehova pian narengel na amin a totoo. Im-promise nen Josias tan saray totoo ya unoren day Jehova diad interon puso da.

Abaybayag la ya agseselebraan na saray taga Juda so Paskua. Balet abasa nen Josias ed Ganggan ya kaukolan dan selebraan so Paskua kada taon, kanian imbaga tod saray totoo: ‘Selebraan tayo so Paskua parad si Jehova.’ Insan angiparaan si Josias na dakdakel ya bagat, tan wala ray pinili ton grupo ya mangansion diad templo. Sinelebraan na interon bansa so Paskua, insan pitoran agew dan sinelebraan so Piesta na Andi-Lebaduran Tinapay. Anggapo lay mipara ed satan ya impanselebra na Paskua manlapu nen panaon na propetan si Samuel. Talagan labalabay ya unoren nen Josias so Ganggan na Dios, awa? Sika ey, labalabay mo met ya amtaen iray ganggan nen Jehova?

“Say salitam et sakey a silew ed salik, tan liwawa ed dalan ko.”​—Salmo 119:105

Tepet: Antoy ginawa nen Arin Josias nen arengel toy Ganggan na Dios? Anto kasi alikna nen Jehova ed saray ginawa nen Josias?

2 Arari 21:26; 22:1–23:30; 2 Awaran 34:1–35:25

    Publikasyon a Pangasinan (1988-2025)
    Man-Log Out
    Man-Log In
    • Pangasinan
    • Share
    • Setting Mo
    • Copyright © 2025 Watch Tower Bible and Tract Society of Pennsylvania
    • Kondisyon ed Pangusar
    • Totontonen ed Privacy
    • Privacy Settings
    • JW.ORG
    • Man-Log In
    Share