Introduksion ed Seksion 10

Si Jehova so Sankatagyan ya Ari. Sarag ton gawaen so amin ya labay to, manlapu la nensaman ya anggad arapen. Singa bilang, inligtas toy Jeremias nen impelag dad bobon. Inligtas toy Sadrac, Mesac, tan Abednego nen imbuntok irad mandarlang ya hurno, tan inligtas to met si Daniel pian agkanen na saray leon. Prinotektaan nen Jehova si Ester pian niligtas toy amin ya kabaleyan to. Agpaulyan nen Jehova ya mantultuloy so kaugsan. Saray propesiya tungkol ed balbaleg ya estatua tan balbaleg ya kiew et prueba ya magano lan ekalen na Panarian nen Jehova so amin ya kaugsan tan manuley itan ed interon dalin.