Introduksion ed Seksion 12

Imbangat nen Jesus ed saray totoo so tungkol ed Panarian ed tawen. Imbangat to met ed sikara ya ipikasi dan napasanto so ngaran na Dios, onsabi la komon so Panarian to, tan nagawa komon so linawa to diad dalin. No sakey kan ateng, ipaliwawa ed anak mo no antoy labay ya ibaga na satan ya pikakasi. Nansiansian matoor si Jesus anggano tinukso nen Satanas. Nampili si Jesus na saray apostol to, tan nakaiba to ran manuley ed Panarian. Idanet ya si Jesus et maseseg ed dugan panagdayew. Labalabay nen Jesus ya tulongan iray totoo kanian pinaabig to ray mansasakit, pinakan to ray narasan, tan wala ni ingen iray inatey ya binilay to. Diad saratan ya milagro, impanengneng to no antoy gawaen na Panarian parad totoo.