Parad Saray Kalangweran
Agka Sobran Maambisyon!
Saray Instruksion: Gawam iya ed anggapoy makadisturbo. Sano babasaen mo la ray teksto, isip mon aktual kan manbabantay ed nagagawa. Ilitratom ed nonot mo so eksena. Kunwari et narerengel mo iray ibabaga ra. Ipilam so liknaan mo ed saray manunan karakter. Gawam a mabilabilay ed isip mo so salaysay.
Saray manunan karakter: David, Absalom, Joab
Sumaryo: Labay ya samsamen nen Absalom so trono nen ama to.
TALOSAN A MAONG SO EKSENA.—BASAEN SO 2 SAMUEL 14:25-33; 15:1-17; 18:9-17, 30-33.
Deskribien so naiimadyin mon itsura nen Absalom. (Basaen lamet so 2 Samuel 14:25, 26.)
Antoy naiimadyin mon panagsalita tan tono na boses nen Absalom lapud labay toy manpalakas ed saray totoon oonlad Ari pian onkerew na tulong? (Basaen lamet so 2 Samuel 15:2-6.)
Antoy nibagam ed ugali nen Absalom base ed samay nabasad 2 Samuel 14:28-30?
ARALEN A MAONG.
Antoy unonan diskarte nen Absalom pian nasamsam toy trono? (Clue: Basaen so 2 Samuel 13:28, 29. Si Amnon so panguloan ya ilalak nen David kanian sikato komoy onsublay ya ari.)
Ambisyoso si Absalom tan labay toy nidayew, balet anton talagay pakanengneng na arum ed sikato base ed samay ginawa dad sikato nen inatey? (Basaen lamet so 2 Samuel 18:17.)
Anto kasi rason akin et nagmaliw ya ambisyoso si Absalom? (Pian walay pangikomparaan mo, basam may agawad si Diotrefes diad 3 Juan 9, 10.)
Antoy alikna nen David ed ginawa nen Absalom? (Clue: Basaen so Salmo 3, ya insulat nen David nen nanrebelde si Absalom.)
IYAPLIKA SO NAARALAN MO. ISULAT SO NAARALAN MO NIPAAKAR ED . . .
Mauges ya epekto na inka-ambisyoso.
No antoy epekto na saray gagawaen tayo ed liknaan na arum, lalo lad atateng tayo.
PARAD KAARUMAN A PANGIYAPLIKAAN.
Anto ray posiblin rason ya magmaliw kan ambisyoso?
Antoy gawaen mo pian agka magmaliw ya mayabang?
DINAN SO AGUSGUSTOAN MO ED SAYAN SALAYSAY NA BIBLIA, TAN AKIN?
Salim iyan gawaen: Mannonot ka pay duman ending to yan istorya. Anto kasi agawa no aliwan mayabang tan ambisyoso si Absalom?—Uliran 18:12.