Antoy Nalilikna na Dios ed Paniirap Mo?

Manisia so arum ya agnanenengneng na Dios iray paniirap tan anggapoy pibabali to.

IMANOEN NO ANTOY IBABAGA NA BIBLIA

• Nanenengneng itan na Dios tan walay malasakit to

  “Anengneng nen Jehova ya agaylay inkauges na too diad dalin . . . , tan naermenan so puso to.”—Genesis 6:5, 6.

• Panampoten na Dios so amin ya paniirap

  “Agmanbayag et anggapo lay mauges; nengnengen moy kawalaan da, et anggapo la ra. Balet saray mauyamo et tawiren day dalin, tan manliket iran maong ed agnaparaan a kareenan.”—Salmo 37:10, 11.

• No antoy labay na Dios parad sika

  “‘Amtak iray bengatlan nononoten ko parad sikayo,’ so imbaga nen Jehova, ‘say kareenan, tan aliwan say kadederal, pian ikdan ta kayoy maong ya arapen tan ilalo. Tan ontawag tan onasingger tan manpikasi kayod siak, tan dengelen ta kayo.’”—Jeremias 29:11, 12.

  “Onapit kayo ed Dios, tan sikatoy onapit ed sikayo.”—Santiago 4:8.