Naderal so amin ya armas a pan-guerra
Antoy Ibabaga Na Biblia?
Onsabi ni kasi panaon ya niwalay deen diad dalin?
Antoy ebat mo?
On
Andi
Seguro
No antoy ibabaga na Biblia
No manuley lay Jesu-Kristo diad dalin, “inerman a pasen et walay kareenan anggad kaandi na bulan”—labay ton ibaga, tuloytuloy so kareenan.—Salmo 72:7.
Anto ni naaralan tayod Biblia?
Ekalen na Dios iray mauges ya totoo diad dalin, kanian saray maong ya totoo et “manliket iran maong ed agnaparaan a kareenan.”—Salmo 37:10, 11.
Patundaen na Dios so amin ya guerra.—Salmo 46:8, 9.
Kasin posible ya nawalaan tayoy deen na nonot natan?
Wala ray manisia . . . ya imposiblin nawalaan tayoy deen na nonot ta grabe so irap tan ag-inkahustisya ed mundo. Antoy nibagam?
No antoy ibabaga na Biblia
Natan ni labat, saramay maapit so relasyon dad Dios et nawalaan na “kareenan na Dios a palumbasan toy amin a pakatalos.”—Filipos 4:6, 7.
Anto ni naaralan tayod Biblia?
Impromisa na Dios ya ekalen toy irap tan ag-inkahustisya, tan ‘gawaen ton balo so amin a bengatla.’—Apocalipsis 21:4, 5.
Ondeen so nonot tayo no peneken tayoy “espiritual a pankaukolan” tayo.—Mateo 5:3.