Mantanem na Dakel Balet Tekepan na Pakatebek
1 Amta na balang dumaralos a no dakel so itanem ton bukel, nayarin manani na dakel, balet no daiset so itanem to, seguradon daiset so anien to. (2 Cor. 9:6) Agpeperdien na dumaralos so bukel diad pantanem ed pasen ya anggapoy ontubo. Ontan met a pakatebek so kaukolan sano iyopresi tayo so literatura ed lawak. Kaliktan tayon itilak so literatura ed saramay interesadon manbasa ed satan.
2 Kasin walaray natitipon a magasin, brosyur, tan arum niran palapagan diad istanti yo a nayarin usaren ya iyopresi ed saray makanepegan diad teritorya yo pian nipakabat so katuaan? (Ikompara so Mateo 25:25.) Kasin no maminsan et agyo iyopresi iray magasin odino arum nin literatura diad pilimeron pitongtong yo lapud ta isipen yon kababaing ya ibaga no panon a susuportaan so kimey na panangipulong ed Panarian? Nalmoan na saray eksperiensiado lan manangipalapag a saray maapresian onabung so onkiwas ed simpli tan direktan balikas sano ibaga ed sikara no panon a saray donasyon so makatulong ed kimey ed Panarian.
3 Nayarin ikuan yo:
◼ “Nayarin mankelaw kayo no akin ya iyoopresi mi so literatura ya anggapoy geter a kantidad. Kabiangan iya ed sankamundoan a kimey na panangibangat a susuportaan na boluntaryo iran kontribusyon. No labay yoy man-donasyon na daiset nipaakar ed saya, malikeliket kon awaten itan.”
4 Itetepet na dakel ya onabung no sampiga so literatura.
Nayarin iyebat yo:
◼“Anggapoy geter a kantidad na literatura lapud say kimey mi so susuportaan na boluntaryo iran donasyon. No labay yo natan so man-donasyon na daiset, ipaseguro min satan so nausar ed kimey na sankamundoan a panagpulong.”
5 Diad panagbunog na magasin et ipapanengneng na arum a manangipalapag so loob a pahina na magasin insan da ikuan:
◼ “Singa nanengneng yo dia, say kimey mi so susuportaan na boluntaryo iran donasyon. No labay yoy man- donasyon na daiset pian makatulong ed sayan kimey, awaten ko itan tan akauley ak lan mangipawit ed satan.”
6 Agtayo komon ikikibot so pantanem na bukel na Panarian ta masuyat tayon ibaga no panon a nasasapotan so kimey. Ontan met, kaukolan so pakatebek ta pian agnaperdi so literatura tayo ed ‘mabaton dalin.’ (Mar. 4:5, 6, 16, 17) Saramay mangapresia ed maong a balita a tarok tayo so maliket a nawalaan na pankanawnawan mitulongan ed materyal a suporta ed satan.—Ikompara so Mateo 10:42.