Pakaaral Manlapud Video a The Bible—Accurate History, Reliable Prophecy
Kayarin nabantayan iyan video, kasin naebatan yo irayan tepet? (1) Siopa so Lapuan na napanmatalkan ya impormasyon na Biblia? (Dan. 2:28) (2) Panoy suston impangilitrato na Biblia ed kadaanan ya Ehipto, tan panon a tinmua so propesiya a nikurit diad Isaias 19:3, 4? (3) Panon a pinekderan na arkeolohiya so impangilitrato na Biblia nipaakar ed saray Asiryano, saray arari ra, tan impangangga na Asirya? (Nah. 3:1, 7, 13) (4) Antoran propesiya nipaakar ed Babilonia so apaneknekan a tua? (5) Antoy epekto na Medo-Persia ed totoo na Dios? (6) Panon ya asumpal so Daniel 8:5, 8, tan kaunongan kabayag lay inkipasakbay na saya? (7) Panon ya apaneknekan si Jesus so tuan Mesias? (8) Dinan a kaplesan a mapolitikan pakayari so anumpal ed saray propesiya a naromog diad Apocalipsis 13:11 tan 17:11? (9) Antoran eksena ed video so mamaneknek ed inkamatua na Eclesiastes 8:9? (10) Panon a sayan presentasyon so amabiskeg na pananisia yo ed saray sipan na Biblia parad arapen? (11) Panon yo iyan nausar pian nakombinse so arum a say Biblia so nanlapu ed Dios?