The Bible​—Accurate History, Reliable Prophecy

Antoray ebidensya a say Biblia et susto no nipaakar ed awaran? Antoran asumpal lan propesiya ed Biblia so mangiiter ed sikatayo na talek ya nasumpal met iray propesiya ed arapen? Sarayan tepet so naebatan diad video ya The Bible​—Accurate History, Reliable Prophecy, say komatlon parte ed DVD ya The Bible​—A Book of Fact and Prophecy. Kayari yon bantayan iyan video, kasin naebatan yo irayan tepet?

(1) Siopa so Lapuan na napanmatalkan ya impormasyon na Biblia? (Dan. 2:28) (2) Panoy suston impaneskribe na Biblia ed kadaanan ya Ehipto, tan panon a tinmua so propesiya a nirekord ed Isaias 19:3, 4? (3) Panon a pinaneknekan na arkeolohiya ya susto so impaneskribe na Biblia ed saray Asiryano, saray arari ra, tan ed impangangga na Asirya? (Nah. 3:1, 7, 13) (4) Antoran propesiya nipaakar ed Babilonia so apaneknekan a tua? (Jer. 20:4; 50:38; 51:30) (5) Anton propesiya nipaakar ed Medo-Persia so tinmua? (Isa. 44:28) (6) Panon ya asumpal so propesiya nipaakar ed Gresya a walad Daniel 7:6 tan 8:5, 8? (7) Panon ya asumpal so Daniel 7:7 sanen nagmaliw ya world power so Roma? (8) Sioparan Cesar so abitla ed Biblia? (9) Antoy agawa’d saray Kristiano diad uley nen Nero? (10) Panon ya asumpal iray propesiyan walad Apocalipsis 13:11 tan 17:10? (11) Antoy pakabidbiran na komawalon ari? (12) Antoray anengneng yo’d sayan video ya mamapaneknek a tua imay walad Eclesiastes 8:9? (13) Antoray propesiyan labalabay mo lan nagawa? (14) Panon mon nausar iyan video pian nakombinse so arum ya say Biblia et nanlapud Dios?