Saray Makapasagyat a Punto ed Video a The Bible—Its Power in Your Life
Diad pangebat ed onggendan iran tepet, ibalikas so impapuso iran impakasagyatan yo ed mensahe a lugan na sayan video. (1a) Antoy amabiskeg ed minilyon a totoo pian pasimbaloen day bilay da? (Heb. 4:12) (1b) Antoy nakaukolan pian nagamoran iyan biskeg tan niyaplika itan ed bilay na sakey? (2) Antoran teksto na Biblia so nisitas pian ontulong ed saray sanasawa a (a) paaligwasen so komunikasyon da tan (b) kontroley sanok da? (3) Panon a mamaabig ed bilay na pamilya so Kristianon panmoria ed panamaley? (Efe. 5:28, 29) (4) Panon ya impanengneng nen Jehova a Dios so nagnap ya ehemplo na panangiter ed ananak na taloran bengatla a kaliktan tan kaukolan da, tan panon met a nagawaan itan na atateng natan? (Mar. 1:9-11) (5) Akin a personal ya ibangat na atateng so Biblia ed ananak da, tan antoy pakapatnagan na pankaukolan a panggawa ed satan a regular? (Deut. 6:6, 7) (6) Panon a nagawaan na atateng a makapainteres so panagaral na pamilya? (7) Likud ed panagaral na Biblia, anto ni so isasagyat na Salita na Dios ed atateng ya itarya ed ananak da? (8) Panon a say simbawa na Biblia so makatulong ed saray pamilya pian ontalona ed panagbilay? (9) Sano niyaplika, antoran Makasulatan a prinsipyo so mamawas ed saray problema ed bunigas? (10) Panon a saray prinsipyo ed Salita na Dios so anguman ed dilin bilay mo? (11) Akin a say pambantay ed sayan video so mamaseseg ed sakey a nakatongtong yo ed ministeryo pian paiyaralan na Biblia?