Tepet

◼ Anton estandarte na panangawes tan panag-ayos so nepeg tayon tumboken sano ombibisita ed saray ayaman a Bethel tan pasilidad na sanga?

Sano ombisita itayo ed Bethel, balanglan pian man-tour ed pasilidad odino pian bisitaen iray membro na pamilyan Bethel, “say panangawes, panag-ayos tan kondukta tayo so kaukolan a mipadpara ed no antoy nailaloan ed sikatayo sano onatendi ed saray miting parad panagdayew diad Kingdom Hall.” (om 131) Balet, naiimano a sano ombibisita ed saray sangan opisina, arum ya agagi so kasual a maong ed panangawes da. Aliwan matukoy itan sano ombibisita ed sarayan pasilidad. Nepeg a napanuliranan, mauksoy, tan masimpit so itsura tayo, a pakapatnagan na inkadesente tan dignidad a matukoy ed saray lingkor nen Jehova a Dios.​—1 Tim. 2:9, 10.

Saya so nagkalalo lan importante sano ombibisita ed saray ayaman a Bethel tan saray pasilidad na sanga lapud sikaray iimanoen na dakel ya aliwan-Tasin mangiimaton. Sarayan mangiimaton so nayarin nawalaan na dili ran opinyon nipaakar ed totoo na Dios tan say organisasyon to base ed naoobserbaan da. Maabig no katongtongen la ray iyaaralan na Biblia tan arum niran ondalaw pian napanonotan ira ed kaimportantian na pangimano ed matukoy a panangawes tan panag-ayos. Apresyaen na pamilyan Bethel so panggawa yo ed saya.

Bilang Kristianon ministros, kaukolan a maalwar itayo a say itsura tayo so agpakatiroran. (2 Cor. 6:3, 4) Imbes, diad panamegley na matukoy a walna tayo, komon ta lawas tayon ‘parakepen so bangat na Dios a Manangilaban tayo, diad amin a bengatla.’​—Tito 2:10.