No Antoy Ibaga Nipaakar ed Saray Magasin

Say Panag-Bantayan Hun. 15

“Ipapasen na arum a totoo a si Jesus so sankatalonggaringan a too ed awaran. Saray arum so manusuppiat no kasin linmesa si Jesus. Diad padesir yo, importante kasi no antoy sisiaen tayo nipaakar ed sikato? [Kayarin onebat, basaen so Gawa 4:12.] Anto so paneknek a nambilay si Jesus ed dalin? Uusisaen na sayan magasin itan a tepet.”

Awake! Hunyo 22

“Dakel a totoo so mapaga nipaakar ed kaliberliber. Diad padesir yo posibli ni kasin nipreserba iray tropical rain forest na mundo? [Abuloyan ya onebat.] Dedeskribien na sayan magasin iray agano nin ginawa pian nipreserba iray rain forest. Sisingbaten met na satan no panon a nagawa iyan marakdakep a sipan na Dios.” Basaen so Isaias 11:9.

Say Panag-Bantayan Hul. 1

“Sakey ed saray manunan pankaukolan tayo bilang totoo et say pangaro tan naaro. [Basaen so inaon a kapsion diad pahina 4.] Balet, naimano yo ta a manunaan ni ed sayan modernon sosyedad so arum iran bengatla? [Abuloyan ya onebat.] Sisingbaten na sayan magasin no anto so peteg ya aro tan no panon itan a nabayuboan.” Basaen so 1 Corinto 13:2.

Awake! Hulyo 8

“Momoriaen na dakel a totoo a makapagonigon so ondaraak a karawalan. [Mangiter na alimbawan kabkabat ed lugar yo, tan abuloyan ya onebat.] Uusisaen na sayan magasin so pigaran sengegan na marawal a krimen. Isasalaysay met na satan no panon a sigpot ya ekalen na Dios so krimen tan karawalan.” Basaen so Salmo 37:10, 11.