No Anto so Ibaga Nipaakar ed Saray Magasin

Say Panag-Bantayan Mayo 15

“No sikayoy natepetan na onia, antoy ebat yo ed saya ey? [Basaen so tepet ed apis. Insan abuloyan ya onebat.] Iikdan itayo na Biblia na rason pian manilalo. [Basaen so Mateo 6:9, 10.] Ipapaliwawa na sayan magasin no panon a sumpalen na Panarian na Dios so linawa na Dios diad dalin.”

Awake! Mayo

“Diad padesir yo, kasin say kiwas tan pansumpalan tayo et inggeter la na Dios? [Abuloyan ya onebat.] Unong ed sayan bersikulo na Biblia, aabuloyan na Dios iray totoo a mamili na labay dan kabibilay. [Basaen so Deuteronomio 30:19.] Ipapanengneng na sayan artikulo no antoy ibabaga na Biblia nipaakar ed saya.” Iparungtal so artikulo ya onggapo ed pahina 12.

Say Panag-Bantayan Hunyo 1

“Inagew-agew lawarin makakarengel itayo na balita nipaakar ed mauges iran kagagawa. [Mamitla na peles ya alimbawa a balitado ed lugar yo.] Kasin naumameng yo la no kasin walay agnanengneng a mauges a manusugsog ed totoo? [Abuloyan ya onebat. Insan basaen so Apocalipsis 12:12.] Ipapaliwawa na sayan magasin no panon tayon naprotektaan so inkasikatayo.”

Awake! Hunyo

“Labay kon naamtaan so opinyon yo nipaakar ed ibabaga na saya. [Basaen so 1 Timoteo 6:10.] Kasin diad padesir yo et saramay manbibilay labat lapud kuarta tan kayamanan et talagan mauges so pansumpalan da? [Abuloyan ya onebat.] Ipapaliwawa na sayan magasin so mauges iran epekto na panguusil ed kayamanan.”