No Anto so Ibaga Sano Iyopresi Iray Magasin

The Watchtower Pebrero 1

“Parad sika, talaga kasin posible a naamtaan so personalidad na Dios? [Abuloyan ya onebat.] Walay makapainteres ya artikulo nipaakar ed saya.” Basaen tan ipaliwawa so komaduan tepet diad pahina 16 tan sakey a nisitan teksto. Iyopresi iray magasin, tan iyeskedyul so ipawil pian konsideraen so komatlon tepet.

Awake! Pebrero

“Lapud say Biblia et datdaan lan libro, iisipen na arum ya ag-itan susto no nipaakar ed siensia. Antoy nibagam? [Abuloyan ya onebat.] Dakel so mankelaw ya onia so ibabaga na Biblia. [Basaen so Isaias 40:22.] Ebatan na artikulon onggapo ed pahina 22 so tepet ya, Mantunosan kasi Biblia tan siensia?”

The Watchtower Marso 1

“Kabkabat iray Tasi nen Jehova ed panagpulong da. Naisip mo ta la no akin ya gagawaen da iyan kimey? [Abuloyan ya onebat.] Imanoen iyan eksplinasyon. [Basaen so Mateo 24:14.] Ebatan na sayan magasin iray tepet ya: Anto iyan maong a balita? Anto so Panarian? Tan anto so anggaan ya onsabi?”

Awake! Marso

“Lapud ta amayamay so mansasakit, inanabang mi iyan makapaligliwan teksto. [Basaen so Isaias 33:24.] Sano nagawa iya, anto kasi kipapasen na bilay? [Abuloyan ya onebat.] Legan tayon aalagaren so panggawa na Dios ed saya, walaray nagawaan tayo pian napansiansiay maabig a bunigas. Ipaliwawa na sayan magasin.”