Pangaligan Iran Presentasyon

Pangigapoy Panangiyaral na Biblia ed Unonan Sabado na Pebrero

“Parad karaklan, say Diablo so sengegan na kaugsan ed mundo. Balet iisipen da: ‘Iner so nanlapuan na Diablo? Kasin pinalsa na Dios?’ Antoy nibagam ey? [Abuloyan ya onebat.] Imanom pa yay nabasa dia ay.” Ipanengneng so artikulon walad beneg na Pebrero 1 ya Watchtower, tan pantongtongan so unonan parapo tan say teksto. Iyopresi iray magasin, tan iyeskedyul so ipawil pian pantongtongan so ontumbok ya tepet.

Say Panag-Bantayan Pebrero 1

“Alaen mi pay opinyon mo nipaakar ed sakey a toon rerespetoen na saray Kristiano, Judio, tan Muslim. Antoy nanonotan mo no narengel moy ngaran ya Moises? [Abuloyan ya onebat.] Anggano wala ray lingo to, marakep so ibabaga na Biblia nipaakar ed sikato. [Basaen so Deuteronomio 34:10-12.] Nabasad sayan magasin so talorad saray maong a kualidad to tan no panon tayon naalig.”

Onliing! Pebrero

“Dakel natan so man-aabroad pian oninaway bilay da. Balet amin kasi et talagan oniinaway bilay da? [Abuloyan ya onebat.] Nensaman ni et dakel lay oonlad arum a bansa. Singa bilang imanom pa yay nabasad unonan libro na Biblia. [Basaen so Genesis 46:5, 6.] Ebatan na sayan magasin irayan tepet.” Ipanengneng ed householder iray tepet ed sampot na pahina 6.