Pangaligan Iran Presentasyon

Pangigapoy Panangiyaral na Biblia ed Unonan Sabado na Agosto

“Nanduruma so relihyon tan paraan na panagdayew ed Dios na saray totoo. Parad sika, anto kasi nalilikna na Dios ed satan? [Abuloyan ya onebat.] Imanom no antoy imbangat nen Jesus nipaakar ed satan.” Iderew so sakey a kopya na Agosto 1 a Watchtower, insan pantongtongan so unonan tepet tan ebat ed pahina 16 tan basaen so anggan sakey a nisitas ya teksto. Iyopresi iray magasin tan iyeskedyul so ipawil pian konsideraen so ebat ed ontumbok ya tepet.

The Watchtower Agosto 1

“Nepeg kasin ibangat ed saray anak so nipaakar ed Dios anggan angkelag ni ra, odino mas maabig no alagaren ni ran ombaleg pian sikara lay makapanpili na relihyon da? [Abuloyan ya onebat.] Imanoen so imbilin na Biblia a kaukolan a gawaen na kaamaan. [Basaen so Efeso 6:⁠4.] Walaray suhestion ed sayan magasin no panon a nibangat na atateng ed saray anak so nipaakar ed Dios.”

Awake! Agosto

“Labay kon alaen so opinyon yo ed sayan bersikulo. [Basaen so 1 Samuel 16:23.] Ipapanengneng na saya ya baleg so nagawaan na musika. Parad sikayo, walara kasi kansion ya mauges so epekto to? [Abuloyan ya onebat.] Ipapaliwawa na sayan magasin no panon itayon makapanpili na maabig a musika tan no panon tayon natulongan iray anak.”