Pangaligan Iran Presentasyon

Pangigapoy Panangiyaral na Biblia ed Unonan Sabado na Hulyo

“Nen imbebeneg iran taon, dinmakel iray interesado ed saray anghel. Parad sika, tua kasi ray anghel? [Abuloyan ya onebat.] Imanoen pay ibabaga na saya.” Iderew ed householder so Hulyo 1 ya Panag-bantayan, tan pantongtongan so unonan tepet tan ebat ed pahina 16 tan anggan sakey a teksto. Iyopresi iray magasin tan iyeskedyul so ipawil pian pantongtongan so ebat ed ontumbok ya tepet.

Say Panag-Bantayan Hulyo 1

Basaen so Salmo 65:2. Insan ibaga: “Dakel so mipakna ya ‘dedengelen na Dios iray pikakasi,’ tan manpipikasi ran inagew-agew. Iisipen balet na arum, ‘No talagan walay Dios, akin et dakel so problemad mundo?’ Antoy nibagam ey? Wala kasi Dios ya ondedengel ed pikakasi tayo? [Abuloyan ya onebat.] Ipaliwawa na sayan magasin so ebat na Biblia ed sayan tepet: ‘Akin et aabuloyan na Dumerengel na pikakasi so paniirap?’”

Awake! Hulyo

“No sarag mon umanen so sakey a bengatla ed mundo tayo, anto itan ey? [Abuloyan ya onebat.] Ipapanengneng na Biblia no akin et limitadoy nagawaan na too. [Basaen so Jeremias 10:23.] Ipaliwawa na sayan magasin no antoy umanen na Dios.”