Pangaligan Iran Presentasyon

Pangigapoy Panangiyaral na Biblia ed Unonan Sabado na Hulyo

“Ombibisita kamin magano pian pantongtongan iyan makapainteres a tepet. [Ipanengneng so unonan tepet diad beneg na Hulyo-Agosto ya Panag-bantayan.] Antoy nibaga yo ey?” Abuloyan ya onebat. Pantongtongan so unonan tepet tan anggan sakey ya teksto. Iyopresi iray magasin, tan iyeskedyul a pantongtongan so onsublay ya tepet.

Say Panag-bantayan Hulyo-Agosto

“Manga 6,000,000 a totoo so ompapatey kada taon lapud panagsigarilyo. Parad sika, wala ni kasi nagawaan pian napatunda itan ya epidemya? [Abuloyan ya onebat.] Dakel so atulongan ya itunda o sigpot lan paliisan so pansigarilyo diad impangamta rad panmoria na Dios. Singa bilang, akatulong ed arum iyan teksto ed Biblia pian nonotey epekto ed totoo na pansigarilyo da. [Basaen so 1 Corinto 10:24.] Ipaliwawa na sayan magasin no panon a say pangamta ed panmoria na Dios so mamakiwas ed sakey ya itunday pansigarilyo.”

Onliing! Hulyo

“Ombibisita kamin magano pian tulongan iray totoo ya nasarag so stress. Kasin naiimano yon mas nai-stress iray totoo natan nen say nensaman? [Abuloyan ya onebat.] Apaneknekan na dakel ya akatulong ed sikara so praktikal ya simbawa na Biblia pian nasarag so stress. Niay sakey ya alimbawa. [Basaen so Mateo 6:34.] Ipaliwawa na sayan magasin no panon itayon natulongan na saray prinsipyod Biblia pian nasarag iray apatiran maslak ya panlalapuan na stress.”