Pangaligan Iran Presentasyon

Pangigapoy Panangiyaral na Biblia ed Unonan Sabado na Hulyo

“Uulit-uliten na dakel a totoo irayan salita ed Pikakasi na Katawan: ‘Onsabi komon so panarian mo. Nagawa komon so linawam, unong ed tawen, ontan met ed dalin.’ Parad sika, anto itan ya Panarian? [Abuloyan ya onebat.] Onia so ibabaga na Biblia.” Basaen so Daniel 2:44. Insan ikdan so unabung na kopya na Hulyo 1 ya isyu na Say Panag-Bantayan. Basaen tan pantongtongan so unonan tepet ed pahina 16. Iyopresi iray magasin, tan iyeskedyul so ipawil pian konsideraen so ebat ed ontumbok ya tepet.

Say Panag-Bantayan Hulyo-Setyembre

“Lapud antikey so bilay tan napno na problema, iisipen na dakel no wala kasi kana na bilay. Naisip mo met la kasi itan? [Abuloyan ya onebat.] Aliwan onian bilay so isisipan na Biblia. [Basaen so Apocalipsis 21:⁠4.] Ipapaliwawa na sayan magasin so gagala na Dios ed dalin tan no antoray gawaen tayo pian natan ni labat et magmaliw lan maliket so bilay.”

Awake! Hulyo

Mamitla na sakey ya trahedya a walad balita. Insan itepet: “Akin et iyaabuloy na Dios a nagawa iratan? [Abuloyan ya onebat.] Unong ed Biblia, nakakasian na Dios iray maniirap. [Basaen so Exodo 3:⁠7.] Ibabaga met ed sikatayo na Biblia no akin ya aabuloyan na Dios so paniirap tan asingger to lan panganggaen itan. Sayan magasin so mangipaliwawa.”