Pangaligan Iran Presentasyon

Pangigapoy Panangiyaral na Biblia ed Unonan Sabado na Hulyo

“Maslak ed saray nakakatongtong mi et labalabay dan magmaliw ya mareen so interon mundo. Balet, siansia nin wala ray guerra. Parad sika, akin kasi et anggapoy kareenan?” Abuloyan ya onebat. Insan ipanengneng so beneg na Hulyo-Agosto ya Panag-bantayan, tan pantongtongan so unonan tepet tan anggan sakey a teksto. Iyopresi iray magasin, tan iyuksoy so ipawil pian pantongtongan so onsublay a tepet.

Paimano: Nepeg ya idemostra iya diad pantitipon parad lawak na kimeyan no Hulyo 6.

Say Panag-Bantayan Hulyo-Agosto

“Labay min amtaen so opinyon mo nipaakar ed saya. [Basaen so 1 Juan 4:8.] Anggano dakel so manisia ed saya, iisipen dan say Dios et anggapoy panangasi to ta manlalapud sikato odino iyaabuloy to kuno iray kalamidad. Parad sika, duga kasi itan? [Abuloyan ya onebat.] Ipapaliwawa na sayan magasin no akin ya agtayo nepeg ya isipen ya anggapoy panangasi na Dios.”

Onliing! Hulyo-Setyembre

“Labay min alaey opinyon mo. Natural labat ya labay tayon oninaway bilay tayo. Parad sika, akadepende kasi itan ed pansaliw ti lan pansaliw? [Abuloyan ya onebat.] Imanom pa yay imbaga nen Jesus. [Basaen so Lucas 12:15.] Ipapanengneng na sayan magasin no antoy dugan pangipasen ed saray bengatlan nasaliw, tan mangiiter iya na makatulong iran suhestion no panon tayon nakontrol so panaggastos.”

Maong a Balita ya Nanlapud Dios!

“Ombibisita kamid saray pamilya diad lugar yo pian ipanengneng so balibalin ibabaga na Biblia. Wala ray nakakatongtong min maniisip no akin ya aabuloyan na maaron Dios so graben paniirap ed mundo. Parad sika nen ginawa na Dios so dalin, inggagala to kasi panirap?” Abuloyan ya onebat. Insan ibukay ed leksion 5, tan ipabasa tan pantongtongan so unonan duaran parapo tan saray tekston aka-italiko. Iyopresi so brosyur tan iyuksoy so ipawil pian pantongtongan so onsublay a tepet a mabaltaw so inkisulat to.