Pangaligan Iran Presentasyon

Pangigapoy Panangiyaral na Biblia ed Unonan Sabado na Agosto

“Amin lawarin totoo et manpipikasi. Anggan saray agmanisiad Dios et manpipikasi sano naproproblema. Parad sika, dedengelen kasi na Dios so amin a pikakasi?” Abuloyan ya onebat. Ipanengneng so beneg na Agosto 1 ya Watchtower tan pantongtongan so unonan tepet tan anggan sakey a teksto. Iyopresi iray magasin tan iyuksoy so ipawil pian pantongtongan so onsublay ya tepet.

Paimano: Nepeg ya idemostra iya diad pantitipon parad lawak na kimeyan no Agosto 3.

Say Panag-Bantayan Agosto 1

“Dakdakel la natan iray imoral a babantayan. Balet parad arum, aliwan mauges so pornograpiya. Parad sika ey? [Abuloyan ya onebat.] Imbaga nen Jesus ya naamtaan tayo no kasin makapuy itan diad saray epekto na satan. [Basaen so Mateo 7:17.] Nabasa ed sayan magasin no antoy epekto na pornograpiya. Mangiter met iya na praktikal iran tip no panon a napaliisan so pornograpiya.”

Onliing! Agosto

“Labay tayon amin a naparukey so bilay tayo. Parad sika, wala kasi nagawaan na science pian manbilay tayon andi-angga? [Abuloyan ya onebat.] Nengneng mo yay balibalin promisa na Biblia. [Basaen so 1 Corinto 15:26.] Balet panon kasin gawaen na Dios iya​—usaren to kasi science odino arum ni? Tan akin et ontatatken tan ompapatey tayo natan? Ipanengneng na sayan magasin no antoy ebat na Biblia ed saraya.”