No Anto so Ibaga Nipaakar ed Saray Magasin

The Watchtower Mayo 1

Basaen so Mateo 24:3. Insan ikuan: “Isipen na arum a sayan tepet et tutukoyen toy anggaan na dalin. Diad padesir yo, naderal kasi iyan dalin? [Abuloyan ya onebat.] Unong ed ebat nen Jesus, walay talaranan tayo, aliwan say anggaan na dalin, noagta say anggaan na sananey a bengatla. Say malaknab ya eksplinasyon na saya et naromog ed pahina 16.”

Awake! Mayo

“Ikakalar na arum a miministro a no napaliket tayoy Dios, paaligwasen to itayo ed materyal. Balet, walara anganko so kabat yon maong a totoo balet ta pobri ira. Diad padesir yo, kaliktan kasi na Dios ya onyaman itayo? [Abuloyan ya onebat. Insan basaen so Hebreos 13:5.] Ipapaliwawa na sayan artikulo no panon itayon bebendisyonan na Dios.” Iparungtal so artikulo ya onggapo ed pahina 12.

The Watchtower Hunyo 1

“Popular natan iray libro a giya parad pamabaleg ed anak, aroan, tan personal ya itatalona. Kasin naimano yon makatulong iratan? [Abuloyan ya onebat.] Ibabaliwala na dakel so panumbok ed lapuan na napanmatalkan a simbawa. [Basaen so 2 Timoteo 3:16.] Ipapaliwawa na sayan magasin no akin a makapanmatalek itayo ed Biblia tan mangiiter na saray alimbawa parad praktikal iran simbawa.”

Awake! Hunyo

“Singa amta yo la, pandedebatian no kasin mauges odino andi so aborsion. Diad padesir yo, makatulong kasi so Biblia ed sakey a too a mandesisyon ed gawaen to? [Abuloyan ya onebat. Insan basaen so 2 Timoteo 3:16, 17.] Ipapabitar na sayan magasin no antoy ibabaga na Biblia nipaakar ed sayan tema.”