No Anto so Ibaga Nipaakar ed Saray Magasin

The Watchtower Mayo 1

“Say idarakel na kalamidad ed panaon tayo so rason a nononoten na arum no kasin dudusaen itayo na Dios. Antoy nikuan yo ey? [Abuloyan ya onebat. Insan basaen so 1 Juan 4:8.] Ipapaliwawa na sayan artikulo no akin ya aliwan say Dios so sengegan na paniirap a resulta na kalamidad.” Iparungtal so artikulo ed pahina 30.

Awake! Mayo

Basaen so Mateo 6:10. Insan itepet: “Kasin nitetepet yo no maminsan no antoy linawa na Dios ed dalin? [Abuloyan ya onebat.] Unong ed Biblia, manlapu la’d gapo et walay gagala na Dios ed dalin tan satan a gagala et ag-anguman. Ipapaliwawa na sayan artikulo itan.” Iparungtal so artikulo ya onggapo ed pahina 10.

The Watchtower Hunyo 1

“Sakey ed saray sankabantogan ya istorya ed Biblia et nipaakar ed si Noe tan say Delap. Diad padesir yo agawa kasi so Delap? [Abuloyan ya onebat.] Say makapainteres et tinukoy nen Jesus a satan so peteg ya agawa. [Basaen so Lucas 17:26, 27.] Sayan magasin so mangiiter na saray rason pian panisiaan so salaysay na Delap tan ipapaliwawa dia so importante iran leksion ya ibabangat na satan.”

Awake! Hunyo

“Mairap so mamabaleg na anak, nagkalalo la no tin-edyer la tan walaray biglan pananguman. Iner so padesir yon napangalaan na atateng na napanmatalkan a simbawa? [Abuloyan ya onebat. Insan basaen so Isaias 48:17, 18.] Mangitatarya iyan magasin na pigaran dugaruga iran suhestion pian tulongan iray atateng ya onkiwas a makabat tan makatalos.”