Saray Panonot ed Memoryal

Say panselebra na Memoryal ed sayan taon so ombana ed Mierkoles, Abril  12. Kaukolan ya imanoen na saray mamatatken so onggendan iran pamaakaran.

◼ Diad pangigetar ed oras na pantitipon, seguroen ya agni ipapasa iray emblema no agni sinmelek so agew.

◼ Amin, pati say espiker, so kaukolan a pakabatan ed eksakton oras tan pasen na panselebraan.

◼ Nepeg a mangala tan iparaan la so matukoy a klase na tinapay tan alak.​—Nengnengen so Pebrero 15, 2003 a Panag-Bantayan, pahina 14-15.

◼ Kaukolan ya awiten tan ilira lan masakbay ed hall iray plato, kopa, tan matukoy a lamisaan tan mantilis.

◼ Kaukolan a say Kingdom Hall odino arum niran pasen a pantiponan so masakbay lan linisan a maong.

◼ Kaukolan a masakbay lan pilien tan bilinen iray attendant tan managserbi nipaakar ed saray asainmin da, manepeg a paraan a tumboken, tan say pankaukolan parad mapagalang a panangawes tan panag-ayos.

◼ Iyuksoy so pangiserbi ed saray emblema ed siopaman ya alanaan a maletey la tan agla makayarin onatendi.

◼ Sano pigaran kongregasyon so akaeskedyul a mangusar ed parehon Kingdom Hall, kaukolan a walay maabig a koordinasyon na saray kongregasyon pian napaliisan so panseseksekan ed lolooban, dadalanan, tan diad paradaan.