Saray Panonot ed Memoryal

Say selebrasyon ed Memoryal ed sayan taon so ombana ed Huebes, Marso 28. Nepeg ya imanoen na mamatakken so onggendan iran pamaakaran:

◼ Diad pangigeter na oras parad miting, seguroen a saray emblema et agni nipasa anggad agni akaselek so agew.

◼ Amin, pati say espiker, so nepeg a napakabatan ed eksakton oras tan pasen a panselebraan.

◼ Say matukoy a klase na tinapay tan alak so nepeg ya iparaan.​—Nengnengen so Pebrero 15, 1985, Watchtower, pahina 19.

◼ Nepeg a masakbay lan awiten ed hall iray plato, kopa, tan matukoy a lamisaan tan mantilis.

◼ Say Kingdom Hall odino arum niran lugar na panmitingan so nepeg a masakbay lan linisan a maong.

◼ Kaukolan a masakbay lan pilien tan bilinen iray attendant tan managserbi nipaakar ed saray asainmin da, say dugan paraan a tumboken, tan say pankaukolan parad mapagalang a panagkawes tan panag-ayos.

◼ Iyuksoy so pangiserbe na saray emblema ed siopaman ya alanaan a maletey so laman to tan agmakayarin onatendi.

◼ Sano pigaran kongregasyon so niyeskedyul a mangusar ed parehon Kingdom Hall, kaukolan a walay maabig a piuksoyan na saray kongregasyon ta pian napaliisan so panseseksekan ed lobby odino lolooban, ed dadalanan, tan diad paradaan.