Saray Panonot ed Memoryal

Say panselebra ed Memoryal ed sayan taon so ombana ed Simba, Abril 8. Saray mamatatken so nepeg a manimano ed onggendan iran pamaakaran:

◼ Diad pangiyuksoy na oras parad miting, seguroen a saray emblema so agni ipasa anggad kaselek na agew.

◼ Amin, pati espiker, so nepeg a napakabatan ed eksakton oras tan lugar a panselebraan.

◼ Say matukoy a klase na tinapay tan alak so nepeg a naala la tan niparaan la.​—Nengnengen so Pebrero 15, 1985, a Watchtower, pahina 19.

◼ Saray plato, baso, tan matukoy a lamisaan tan mantilis so nepeg ya awiten ed hall tan ilira lan masakbay.

◼ Say Kingdom Hall odino arum a pasen a pandaragupan so nepeg a masakbay lan linisan a maong.

◼ Saray attendant tan saray managserbi so nepeg a pilien tan bilinen lan masakbay nipaakar ed saray asainmin da tan ed suston paraan.

◼ Nepeg a nagawa iray uksoyan pian iserbi iray emblema ed siopaman ya alanaan ya agla makayari tan agmakasarag ya onatendi.

◼ No masulok a sakey a kongregasyon so aka-eskedyul a mangusar ed parehon Kingdom Hall, nepeg a walay maong a pantutulongan na saray kongregasyon ta pian napaliisan so agnakakaukolan a panseseksekan ed lobby odino ed lolooban, ed saray publikon dalanan, tan diad paradaan.