Saray Panonot ed Memoryal

Say panselebra na Memoryal ed sayan taon so ombana ed Mierkoles, Abril 16. Nepeg ya imanoen na mamatatken so onggendan iran pamaakaran:

◼ Diad pangigeter ed oras na pantitipon, seguroen a saray emblema et agni nipasa anggad agni sinmelek so agew.

◼ Amin, pati say espiker, so kaukolan a napakabatan ed eksakton oras tan pasen a panselebraan.

◼ Say matukoy a klase na tinapay tan alak so nepeg ya iparaan.​—Nengnengen so Pebrero 15, 1985, a Watchtower, pahina 19.

◼ Kaukolan a masakbay lan awiten ed hall iray plato, kopa, tan matukoy a lamisaan tan mantilis.

◼ Kaukolan a say Kingdom Hall odino arum nin lugar a pantitiponan so masakbay lan linisan a maong.

◼ Kaukolan a masakbay lan pilien tan bilinen iray attendant tan managserbi nipaakar ed saray asainmin da, say manepeg a paraan a tumboken, tan say pankaukolan parad mapagalang a panangawes tan panag-ayos.

◼ Iyuksoy so pangiserbi na saray emblema ed siopaman ya alanaan a maletey so laman to tan agmakayarin onatendi.

◼ Sano pigaran kongregasyon so niyeskedyul a mangusar ed parehon Kingdom Hall, kaukolan a walay maabig a koordinasyon na saray kongregasyon ta pian napaliisan so panseseksekan diad lobby odino lolooban, diad dadalanan, tan diad paradaan. No posibli, maabig no gawaen a 45 minutos so panbaetan na saray selebrasyon.