Antoy Gawaen Mo ed Bilay Mo?
1 No maminsan et natetepetan iray ugugaw, “Antoy labay mon pagmaliwan no baleg ka la?” Sanen sikay ugaw ni, kasin imbagam a labay moy magmaliw a doktor odino ners? enhinyero odino maestra? manangasikaso na sirkito odino misionera? Natan ta binmaleg ka la, nepeg mon tepetan so inkasika na onia, ‘Antoy gawaen ko ed bilay ko?’ Akaparaan ka ta lan mandesisyon?
2 Pian natulongan kan manggawa na sankaabigan a desisyon, amawala so organisasyon nen Jehova na DVD a Young People Ask—What Will I Do With My Life? Ipangasin bantayan tan nonoten a maong so amin a lugan na satan, pati say “drama,” “interviews,” tan “supplementary material.” Saray lugan na satan so naromog ed kahon a “Main Menu.”
3 Say Drama: Legan mon babantayan so drama, konsideraen irayan tepet: (1) Antoray pamparaan di Timoteo, ya asalambit ed Kristianon Griegon Kasulatan, tan André? (Gawa 16:1; 1 Tim. 4:8; 2 Tim. 1:5) (2) Panon ya adesdes si Andre a magmaliw a sikat ed isport, tan siopa iray anesdes ed sikato? (3) Siopa so apaneknekan a maong ya impluensya ed si Timoteo tan ed si Andre, tan ed antoran paraan? (2 Tim. 1:1-4; 3:14, 15) (4) Panon a say bilin diad Mateo 6:24 tan Filipos 3:8 so angapekta ed si Andre, tan panon a mangaapekta iratan ed sika?
4 Selected Scenes: Kayarin bantayan so interon drama, bantayan lamet so onggendan iran eksena, tan ebatan irayan tepet. “Paul and Timothy”: Anto so unor a bilin nen Pablo ed si Timoteo? (2 Tim. 4:5) “Giving Jehovah Your Best”: Antoray espiritual a kalat mo? “Taking a Stand for Jehovah”: Iner so panlalapuan na peteg a liket? “Grandmother’s Advice”: Anto so makapuy ed pankaliktan a magmaliw a sikat ed mundo nen Satanas? (Mat. 4:9) “No Regrets”: Antoray nalmoan mo a makatulong ed sikan nawalaan na inkapnek ed bilay?—Uli. 10:22.
5 Interviews: Legan mon babantayan so kada onggendan iran seksion, anto so naimanom a nagawaan mo pian iter so sankaabigan mo ed si Jehova? (1) “Dedication to Vain Pursuits or to God? (Dedikasyon ed Andiay Kakanaan Iran Gegemtan Odino ed Dios?)” (1 Juan 2:17); (2) “Learning to Enjoy Your Ministry (Aralen a Panggayagaan so Ministeryom)” (Sal. 27:14); tan (3) “An Open Door to Service (Sakey a Lukas a Kapot Parad Serbisyo).”—Mat. 6:33.
6 Looking Back: Kasin naebatan mo? (1) Antoran karera so panggugunaetan na agin laki tan bii, tan akin? (2) Kaunongay intalona ra? (3) Kapigan ginawa na balang sakey so makatantandan pangumanan ed bilay da? (2 Cor. 5:15) (4) Antoran teokratikon karera so insalat da ed saray datin karera ra, tan akin a moriaen dan agda nayarin gemtanen itan a dua? (5) Wala ta iray pagbabawian da lapud inuman daray pangiyaapasakeyan day imano ra ed bilay? (6) Anto so imbaga ra a nagkalalo lan akatulong ed sikan motekteken no antoy nepeg mon gawaen ed bilay mo?
7 Supplementary Interviews: Diad sarayan interbio, antoy adiskobrim a nagawaan mo pian lalon pambanikelan so panaglingkor ed si Jehova? (1) “The Value of Personal Study (Say Kaimportantian na Personal a Panagaral),” (2) “Alternative Witnessing (Arum a Nengneng na Panagtasi),” (3) “Bethel Service,” (4) “Gilead Missionary Training,” tan (5) “Ministerial Training School.”—Repasoen so “Index to Published Information on Related Subjects,” tan nagkalalon basaen no antoray paninteresan mon maong.
8 Kanian nandesisyon ka ta la ed no antoy gawaen mo ed bilay mo? Pinaseseg nen Pablo si Timoteo: “Seetan mo so sarayan bengatla, sikara labat so arapen mo; pian say ibobonam nipatnag komon ed saray ganagana.” (1 Tim. 4:15) Papasesegen mi kan gawaen met so anengneng tan nadngel mo ed sayan DVD. Patulongan ka ed si Jehova a manggawa na makabat a pili a talagan panggayagaan mo tan mangiter ed sika na inkapnek ed bilay natan ontan met ed makatumang tan maliket ya arapen.
[Kahon ed pahina 6]
MAIN MENU
Play Drama
Scenes (11 selections)
Interviews
Play All
Sections (3 selections)
Looking Back
Supplementary Material
Supplementary Interviews
Index to Published Information on Related Subjects
Subtitles
Hearing Impaired
None
Pian nengnengen iray lugan na “menu,” itelpek so Next ▶, ◀ Back, tan Main Menu.