No Anto so Ibaga Nipaakar ed Saray Magasin

Say Panag-Bantayan Abr. 15

“Diad anggan iner la amon pasen et kaslakan lay inkaruksa. [Manalambit na sakey ya alimbawa ed lugar yo odino manlapud magasin.] Kasin naiimano yo so agaylan inkaruksa la na totoo natan? [Abuloyan ya onebat.] Impasakbay na Biblia so iloor na karuksaan. [Basaen so 2 Timoteo 3:1-5.] Ebatan na sayan magasin so tepet a, ‘Naandi ni kasi so inkaruksa?’”

Awake! Abr.

“Ibabaga na dakel a totoo a Kristiano ira. Parad sikayo, antoy kabaliksan na pagmaliw a sakey a Kristiano? [Abuloyan ya onebat.] Imanoen no anto so imbaga nen Jesus dia. [Basaen so Juan 15:14.] Ipapaliwawa na sayan artikulo a mas ni so kakaukolanen nen say basta pangikuan a Kristiano so sakey.” Iparungtal so artikulo ed pahina 26.

Say Panag-Bantayan Mayo 1

“Talagan ansakit tan manbayag ya ot-ot so nalikna na atateng ya inateyan na anak. Iner kasi so pakalaan day ligliwa? [Abuloyan ya onebat. Insan basaen so Roma 15:5.] Sisingbaten na sayan magasin so pigara ed saray paraan na pangitatarya na Dios na ligliwa ed saray maneermen.”

Awake! Mayo

“Walaray totoo a panggagayagaan da so inkaaligwas, bangta minilyon a totoo so tomalikarkar ed panagbilay. Diad padesir yo kasi et onsabi ni panaon a parepareho lay kipapasen na panagbilay na totoo? [Abuloyan ya onebat.] Imanoen pa no panon so panmoria na Dios ed saray mairap-bilay. [Basaen so Salmo 22:24.] Ipapaliwawa na sayan magasin so ilalo a nabasa ed Biblia parad saray mairap-bilay.”