No Anto so Ibaga Nipaakar ed Saray Magasin

Say Panag-bantayan Mar. 15

“Mabetbet a totongtongen na totoo so isabi nen Jesu-Kristo. Kasin diad padesir yo et nepeg iyan talaranan odino takotan? [Abuloyan ya onebat.] Imanoen no anto so alikna nen Juan a sakey a nansulat ed Biblia nipaakar ed satan. [Basaen so Apocalipsis 22:20.] Ipapaliwawa na sayan magasin no anto so gawaen na isasabi nen Kristo.”

Awake! Mar.

“Dakel a lider ed mundo so ompatnag a mapaatagey a maong. Diad padesir yo, kasin makakatulong iyan ugali pian niwalay kareenan tan pantutunosan ed mundo? [Abuloyan ya onebat.] Onia so ibabaga na Biblia nipaakar ed inkamapaatagey. [Basaen so Uliran 16:18.] Ipapaliwawa na sayan artikulo iray gunggona ed pagmaliw a mapaabeba.” Iparungtal so artikulo ya onggapo ed pahina 20.

Say Panag-bantayan Abr. 1

“Inagew-agew lawarin nipapaarap itayo ed saray tepet nipaakar ed bunigas, ed pamilya tayo, tan ed trabaho tayo. Diad padesir yo, iner kasi pakaromogan tayo na napanmatalkan tan praktikal iran ebat? [Abuloyan ya onebat.] Imanoen no anto so ibabaga na Biblia diad 2 Timoteo 3:16. [Basaen.] Ipapanengneng na sayan magasin no panon a makatulong ed sikatayo so Biblia ed dakel a praktikal a paraan.”

Awake! Abr.

“Diad dakel a parte na mundo, moriaen na saray totoo ya onaabeba iray estandarte ed moral. Kasin naimano yo iya? [Abuloyan ya onebat.] Saray kipapasen a nanenengneng tayo natan so pakakasumpalan na propesiya na Biblia. [Basaen so 2 Timoteo 3:2-4.] Ipapanengneng na sayan magasin no antoy kabaliksan na iyaabeba na moral tan no iner so pangipapaarapan na satan ed katooan.”