No Anto so Ibaga Nipaakar ed Saray Magasin

Say Panag-bantayan Mar. 15

“Diad padesir yo, kasin praktikal iray bangat nen Jesus ed panaon tayo? [Abuloyan ya onebat.] Seguradon onabobon kayo ed sayan ganggan ya inter nen Jesus diad unor ya agew na bilay to. [Basaen so Juan 15:12.] Si Jesus so angibangat met na arum nin makanan leksion diad saman ya agew. Ipapanengneng na sayan isyu na Say Panag-Bantayan no panon itayon nagunggonaan ed saratan.”

Awake! Mar. 22

“Kasin naiimano yo a natan et dakel so totoo ya agmakakaugip a maong? [Abuloyan ya onebat.] Say kapagaan odino pakaaburidoan so nayarin sengegan na saya. [Basaen so Eclesiastes 5:12.] Sayan magasin so manguusisa ed arum a sengegan na insomnia, tan mangitatarya iya na praktikal iran suhestion no panon tayon napaabig so kakaugip tayo.”

Say Panag-bantayan Abr. 1

“Nipanengneng dia so panangan a kaslakan lan tatawagen ya Unor a Pangdem. [Ipanengneng so arap tan beneg na magasin.] Amta yo ta a saya lambengat ya ebento so niganggan ed saray Kristiano a selebraan da? [Abuloyan ya onebat. Insan basaen so Lucas 22:19.] Isasalaysay na sayan magasin no akin ya importantin maong iyan selebrasyon tan no panon a mangaapekta itan ed sikayo.”

Awake! Abr. 8

“Agta makapasinagem a nadederal so bilay na dakel a kalangweran lapu ed druga? [Abuloyan ya onebat.] Mabetbet ya onggagapo iray problema sano milimog iray kalangweran ed mauges iran kaulop. [Basaen so 1 Corinto 15:33.] Uusisaen na sayan isyu na Awake! no antoray mangiimpluensya ed saray kalangweran ya onggapon mangusar na druga tan no antoy nagawaan na atateng pian naprotektaan ira.”